કોણ સારા? કોણ ખરાબ?
કોણ વળી પ્રામાણિક-અપ્રામાણિક?
ને કોણ મોટો ભ્રષ્ટાચારી?
ક્યા ઘેર ભાણું?
આ ઘેર ભાણું,
આ બધું શોધવામાં
ચૂંટણી ચડી જાય છે
ચકડોળે…..
– ‘સાગર’ રામોલિયા
કોણ સારા? કોણ ખરાબ?
કોણ વળી પ્રામાણિક-અપ્રામાણિક?
ને કોણ મોટો ભ્રષ્ટાચારી?
ક્યા ઘેર ભાણું?
આ ઘેર ભાણું,
આ બધું શોધવામાં
ચૂંટણી ચડી જાય છે
ચકડોળે…..
– ‘સાગર’ રામોલિયા
આજના હિરણ્યકશિપુઓએ
પ્રજાના મનમાં
સળગાવેલ
ભય,
લાચારી,
ભૂખમરો
ને
લાલચની
હોળીને
શું
બુઝાવવાની
જરૂર નથી લાગતી?
– ‘સાગર’ રામોલિયા
ચાલ, મનુડિયા ચૂંટણી આવી,
આપણા માટે તો જલસા લાવી;
ચાલ, મનુડિયા…..
એક પક્ષના આવી આપશે પચાસ,
બીજા સો આપી મત માગશે ખાસ;
કોઈ વળી બસો જશે પકડાવી,
ચાલ, મનુડિયા…..
રોટલાનાં બટકાં ખાઈ કંટાળ્યા,
એક મહિનો નવા નાસ્તા આવ્યા;
લઈએ મોજની જિંદગી વધાવી,
ચાલ, મનુડિયા…..
ઈંગ્લીશના પેગની આવશે મોજ,
પછી ક્યાં મળવાનું છે રોજેરોજ?
પછી કોણ દેશે બારણું ખટખટાવી,
ચાલ, મનુડિયા…..
અત્યારે તો ભાઈ, કરશે લ્હાણી,
મીઠી-મીઠી તેઓ બોલશે વાણી;
પછી તો સઘળું લેશે પડાવી,
ચાલ, મનુડિયા…..
– ‘સાગર’ રામોલિયા